Fréttir

Þriðjudag og miðvikudag eru venjulegir skóladagar. Fimmtudaginn 21.apríl er svo sumardagurinn fyrsti og frídagur Föstudagurinn 22.apríl er starfsdagur kennara og nemendur eru í fríi.

Vegna versnandi veðurspár og samráð við Rútufyrirtæki og starfsmenn skíðamiðstöðvarinnar var ákveðið að fresta skíðaferðinni. Við ætlum að reyna aftur eftir páska. Eins og við vitum þá er nestið mest spennandi í svona ferð og ekki viljum við að þau missi af því. Svo skíðanestið er velkomið í skólann á morgun á venjulegan skóladag.

Stóra upplestrarkeppnin á Austurlandi var haldin í gær 31. mars 2022.

Strákarnir okkar í Dusilmenni komust áfram í úrslit Músíktilrauna í gærkvöldi. Óskum við þeim til hamingju með árangurinn. Fylgjumst með og styðjum við drengina. Strákarnir eru með Instagram síðu þar sem hægt er að fylgjast með ævintýrum þeirra. Leytið að @dusilmenni4 á instagram.

9. bekkur Nesskóla setur upp leiksýningu ár hvert og í ár er engin breyting á. Að þessu sinni varð leikritið Sjóræningjaprinsessan fyrir valinu eftir Ármann Guðmundsson í leikstjórn Þórfríðar Soffíu Þórarinsdóttur. Sjóræningjaprinsessan fjallar um stelpu sem er með það á heilanum að vera sjóræningjaprinsessa. Hún er alin upp hjá frændfólki sínu sem eiga tvo stráka þá Matta og Grrra. Einn daginn koma skrítnir gestir í heimsókn á gistiheimilið þar sem foreldrar þeirra vinna og út frá því myndast skemmtileg atburðarrás sem er skemmtilegt fyrir allan aldur. En eins og sjóræningjar eru þá eru þeir frekar grófir í tali og elska Romm en ekkert sem börn eða fullorðnir ættu að óttast. Miðapantanir fara fram á netinu og eru miðar borgaðir fyrirfram. Hægt er að panta miða og fá greiðslu upplýsingar inn á þessum link http://bit.ly/nes9bekkur

Undankeppnin fyrir Stóru upplestrarkeppnina á Austurlandi í Nesskóla átti sér stað í dag, mánudaginn 21.mars. Fyrir hönd Nesskóla munu þau: Unnur Þóra Örvarsdóttir, Aron Ingi Elvarsson, Oliver Karol Dowgier og Máni Franz Jóhannsson keppa. Varamenn eru: Fanney Karlsdóttir og Roza Madhara. Lokakeppnin mun svo vera þann 31.mars í safnaðarheimilinu á Reyðarfirði kl. 14 - 16.

Staðfest hefur verið að mygla er í húsnæði Tónskóla Neskaupstaðar. Vinna við lagfæringar er hafin.

Hér er hægt að finna fréttabréfið fyrir Mars. Njótið vetrarfrísins og sjáumst endurnærð þriðjudaginn 15.mars.

Enn er Covid að stríða okkur og fellur því kennsla niður hjá 7.-10.bekk á morgun, þriðjudag 1.mars.

Vegna covid veikinda hjá starfsfólki verður ekki skóli hjá 7.-10.bekk á morgun, mánudaginn 28.febrúar.