Fréttir

Fundur Heimilis og skóla við foreldra verður haldin fimmtudaginn 13. apríl 2023 í Grunnskóla Fáskrúðsfjarðar. Mikilvægt er að skrá sig á fundinn með netfangi fyrir þá sem ætla að horfa í streymi. Allir sem hyggjast taka þátt í fundinum eru beðnir um að skrá sig. Hér er skráningarformið fyrir foreldra í grunnskólum, leikskólum, framhaldsskóla og frístundastarfi sem tilheyra Fjarðabyggð: https://forms.gle/Xt5q8nigRtvVpp1Y9

Í ljósi þeirra aðstæðna sem uppi eru í Neskaupstað vegna ofanflóðahættu og rýminga hefur verið ákveðið að ekkert skólahald verður í Nesskóla, leikskólanum Eyrarvöllum og Tónskóla Neskaupstaðar, fimmtudaginn 30. mars og föstudaginn 31. mars. Sama á við um Verkmenntaskóla Austurlands en þar verður ekki skólahald þessa daga.

Kæru foreldrar, Skólahald fellur niður í leik-, grunn- og tónskóla í Neskaupstað og á leikskólanum Dalborg, að Dalbraut Eskifirði. Snillingadeild leikskólans sem staðsett er í Eskifjarðaskóla verður opinn. Auk þess mun ekkert skólahald verða í Verkmenntaskóla Austurlands. Víðtækar rýmingar eru enn í gildi á þessum stöðum, sem ljóst er að hefur áhrif á starfsemi þessara stofnanna. Við munum senda út tilkynningu vegna fimmtudagsins annað kvöld.

Ekkert skólahald verður í leik- grunn-, og tónlistarskólum í Neskaupstað, á Eskifirði, og Fáskrúðsfirði eftir hádegið í dag. Rýmingu hefur ennþá ekki verið aflétt á Eskifirði og í Neskaupstað eins og staðan er og vegna fannfergis er færð á Fáskrúðsfirði enn afar þung. Tilkynningar varðandi skólahald á morgun, miðvikudaginn 29. mars verða sendar út í kvöld. Skólahald er með hefðbundnum hætti í leik- og grunn-, og tónlistarskólum á Reyðarfirði, Breiðdalsvík og Stöðvarfirði.

Skólahald í Fjarðabyggð – Þriðjudaginn 28. mars Ekkert skólahald verður í leik- og grunnskólum í Neskaupstað, á Eskifirði, og Fáskrúðsfirði á morgun. Á öllum þessum stöðum er þungfært víða á götum og göngustígum auk þess sem rýming er enn í gildi á Eskifirði og í Neskaupstað og gildir hún í það minnsta fram eftir morgni. Staðan verður tekin á nýjan leik í fyrramálið og gefin út tilkynning upp úr kl. 11:00. Fólk er beðið að fylgjast vel með miðlum sveitarfélagsins vegna þessa auk tilkynninga um aðra þætti í þjónustu sveitarfélagsins. Skólahald verður með hefðbundnum hætti á Reyðarfirði, Breiðdalsvík og Stöðvarfirði. Snjóruðningur mun hefjast allstaðar snemma í fyrramálið, en þar er mikið verk fyrir höndum. Íbúar eru beðnir um að sýna verktökum sem sinna snjómokstri tillitsemi og þolinmæði meðan sú vinna stendur yfir.

Það er engin skóli í dag vegna veðurs og ófærðar. Fólk er beðið um að halda sig heima.

Í dag, miðvikudaginn 22. mars var undankeppni upplestrarkeppni Fjarðarbyggðar haldin hátíðlegur í Nesskóla.....

Sýningar á leikverkinu Grease voru haldnar hjá Nesskóla í síðastliðinni viku....

Ár hvert tekur 10.bekkur þátt í fjármálaleikunum, sem er árleg keppni í fjármálalæsi milli grunnskóla í Evrópu.....