Fréttir

Í dag kom Veltibíllin til okkar í heimsókn....

Í kvöld fer fram foreldrafræðsla SAFT frá heimili og skóla. Vonumst til að sjá ykkur í sal Nesskóla kl 19:30 - 20:30 í kvöld

Nýsköpunarkeppni VA og Matís fór fram í haust eins og í fyrra. Í ár var unnið með efnið þara. Voru það nemendur.......

Á morgun mánudaginn, 26. september, er appelsínugul viðvörun á Austfjörðum, vegna hvassviðris. Ekki er þó talin þörf á að loka leik- og grunnskólum en foreldrar eru beðnir að fylgjast vel með tilkynningum frá skólunum með morgni og meta hvort þeir sendi börnin í skóla. Veður getur verið slæmt þó ekki sé talin þörf á að leggja niður kennslu og þá er rétt að hafa yngri börnin heima ef ekki er hægt að fylgja þeim bæði í og úr skóla. Það er alfarið mat foreldra hvort þeir mæti með barnið/börn í skólann og tilkynna okkur ef þau mæta ekki. Sjá frétt á síðu Fjarðabyggðar: https://www.fjardabyggd.is/nanar/skolahald-i-fjardabyggd-269 Kær kveðja skólastjórar Nesskóla

Viljum minna foreldra og forráðamenn að á morgun föstudaginn 16.september er starfsdagur hjá starfsfólki Nesskóla og Vinasels og því enginn skóli né Vinasel. Mikið er um að vera en kennarar og stjórnendur eru á Kennaraþingi og námskeiðum og aðrir starfsmenn á leið á námskeið á vegum sinna stéttarfélaga.

Nú hafa öll stig farið í haustgöngu. Yngstastig fór að Höllustein, miðstig inn í Seldal og unglingastig upp í Stórurð. Meðfylgjandi eru myndir frá Stórurð og smá lýsing á ferðinni og yngstastigi og lýsing af þeirra ferð.

Miðvikudaginn 7.september kl. 17:00 mun Þorgrímur Þráinsson flytja fyrirlesturinn Verum ástfangin af lífinu í matsal Nesskóla. Fyrirlesturinn fjallar um að bera ábyrgð á sjálfum sér, huga að litlu hlutunum daglega, setja sér markmið og vera flottur persónuleiki — hjálpa öðrum. Nemendur í 9.og 10. bekk fá að njóta fyrirlestursins í skólanum fyrr um daginn. Foreldrum nemenda í 1. - 10. bekk er boðið á fyrirlesturinn sem tekur um 70 mínútur. Við vonumst til að sjá ykkur sem flest á miðvikudaginn. Boðið verður upp á kaffi og kleinur fyrir og eftir fyrirlesturinn. Bestu kveðjur Karen Ragnarsdóttir

Með þessum létta pósti viljum við minna á leiðbeiningar um netið, samfélagsmiðla og börn sem umboðsmaður barna, Persónuvernd og Fjölmiðlanefnd gáfu út í maí á þessu ári. Leiðbeiningarnar eru meðal annars ætlaðar starfsfólki í skóla- og frístundastarfi og foreldrum.

Góðan dag, í dag, miðvikudaginn 24.ágúst 2022 er skólasetning í Nesskóla kl 11:00. Þar sem verið er að vinna á skólalóðinni og því lítið um bílastæði hvetjum við því fólk til að koma gangandi. Engin bílastæði eru að ofanverðu en hægt er að leggja við íþróttahúsið.

Vegna viðhaldsframkvæmda sem dregist hafa verður seinkun á skólasetningu Nesskóla. Í stað skólasetningar sem fyrirhuguð var á mánudag verður skólinn settur miðvikudaginn 24. ágúst kl 11:00.